Úrval Útsýn kynnir með stolti, Allure of the Seas, stærsta farþegaskip í heimi sem sjósett var þann í desember  2010  og er nýjasta skipið í flota Royal Caribbean . Skipafélagið Royal Caribbean Cruiseline kynnir til leiks annað glæsilegt skip í Oasis klassa og eru þau 2 skipin af þessari stærð, fljótandi 5 stjörnu hótel sem undirstrikar að skemmtisiglingar eru ævintýri og upplifun sem seint gleymist.

Í þessari ferð verður siglt um Vestur - Karíbahaf og komið við á hinum undirfögru eyjum Haiti og  Jamaica.  Frá Jamaica er siglt til  Conzumel í Mexíkó áður en haldið er aftur til Ft.Lauderdale. Dvalið er í tvær nætur í Orlando fyrir siglingu og 3 nætur eftir siglingu.  Karíbahafið er er dásamlegur leikvöllur fyrir köfun og sund, sólböð og afslöppun, verslunarferðir og golf. Við verðum umkringd drifhvítum ströndum, blágrænu hafi og fegurstu eyjum heims.

Þetta glæsilega skip er búið nær öllu er hugurinn girnist, enda 360 metrar á lengd og með rými fyrir 6.300 farþega. Barir, veitingahús, leiksýningar og skemmtanir eru hvarvetna í boði, ásamt ævintýralegu sundlaugasvæði.
Flogið verður til og frá Orlando og gist í tvær nætur á Florida Mall Hotel  áður en haldið er í siglinguna.  Í lok ferðar er gist í 3 nætur á  International Palm Resort

Úrval Útsýn er með einkasamning við Royal Caribbean Cruises, eitt stærsta skipafélagið, og hafa hundruð Íslendinga upplifað drauminn. RCCL er með 20 glæsiskip í sínum flota og á hverju ári er nýju skipi hleypt af stokkunum. Meðal skipa í flota félagsins eru stærstu skemmtiferðaskip í heimi.  Þjónusta og allur aðbúnaður er fyrsta flokks í skemmtiferðaskipunum sem sigla um öll heimsins höf, þar á meðal Karíbahafið, Miðjarðarhafið, Suður-Ameríku og Asíu. www.royalcaribbean.com

• Flug til og frá Orlando
• Gisting á  Florida Mall Hotel tvær nætur með morgunverði
• Skemmtisigling með fullu fæði og afþreyingu í 7 nætur
• Gisting á International Palms Resort  3 nætur með morgunverði eftir siglingu
• Þjórfé um borð í skipinu
• Allar ferðir milli flugvalla, hótela og skips

Ekki innifalið í verði ferðar

• Skoðunarferðir á áfangastöðum skipsins
• áfengir drykkir



Lágmarksþátttaka í þessa ferð er 20 manns.
Við áskiljum okkur rétt til að fella ferðina niður náist sú þátttaka ekki.

Ath: Verið miðast við gengi og flugvallarskatta 12.09.2011.

Verð

Verð á mann í tvíbýli kr. 334.900.- innri klefi
Verð á mann í tvíbýli kr. 343.900.- ytri klefi
Verð á mann í tvíbýli kr. 359.900.- klefi með svölum

19. október - Brottför frá Keflavík

*Sjá ferðalýsingu í töflu hér fyrir ofan. 
Dvalið í tvær nætur á  Florida Mall Hotel  

20. október - Orlando

Lífsins notið í Orlando, hvort sem notið veðurblíðunar, skoðað sig um eða kíkt í hinar fjölmörgu verslanir sem í boði eru.

21. október - Ft.Lauderdale

Ekið verður frá Orlando til Ft.Lauderdale og tekur aksturinn um 4 klst. og farið um borð í Allure of the Seas einn glæsilegasta farkost Royal Caribbean Cruise Lines.

22. október

Svifið á öldum Karíbahafsins og tilvalið að njóta allra þeirra dásemda, sem skipið hefur upp á bjóða.   Daginn má nota til hvíldar og sólbaða.  Gott er að nýta tímann til að læra að rata um skipið eða kíkja í verslanir á hinni löngu verslunargötu.  Einnig er hægt að fara í heilsu- eða líkamsrækt eða klifra í hinum 13 metra háa klifurvegg.  Á meðan við látum okkur líða vel á einn eða annan hátt, undirbúa matreiðslumenn 5 rétta veislumat sem bíður okkar ásamt uppáklæddum þjónum þegar við göngum í veislusalinn.

23. október - Á siglingu

Fyrsti viðkomustaðurinn er þorpið Labadee á Haiti.  Einungis farþegar Royal Caribbean skipafélagsins komast á þessa fallegu eyju sem hefur að geyma bestu strendur Karíbahafsins

24. október - Falmouth, Jamaica

Eftir morgunverð þann 24. október verður siglt að norðurhluta Jamaica , og komið inn til hafnar í  Falmouth.  Það er eins og að koma margar aldir aftur í tímann að heimsækja þennan fallega stað. Falmouth var mikilvæg hafnarborg á 17. og 18. öld og þaðan var flutt kaffi, romm og sykur í miklu mæli til Evrópu.   Í Falmouth eru margar skemmtilegar handverksbúðir sem vert er að heimsækja.

25. október - á siglingu

Lífsins notið á stærsta skemmtiferðaskipi í heimi á meðan siglt er frá Jamaica áleiðis til Mexíkó.

26. október - Cozumel í Mexíkó

Eyjan Conzumel sem staðsett er undan ströndum Yucatan skaga er einstaklega falleg og gróðursæl eyja.  All umhverfis eyjuna eru falleg kóralrif og gefst því  tækifæri á köfun við einstakar aðstæður.  Maya rústir eru einnig ómissandi hluti af Mexikó en þær er hægt að heimsækja í einni af skoðunarferðunum sem boðið er uppáa.

27.október - á siglingu

28.október - 31.október

Komið að landi í Fort Lauderdale og eftir morgunverð er ekið til Orlando

Dvalið er í International Palms Resort  í 3 nætur.   International Palms Resort er 3 stjörnu hótel mjög vel staðsett við International Drive. Stutt í fjölda veitingahúsa og í fjölda skemmtigarða á svæðinu.   Stór og góð sundlaug með góðri sólbaðsaðstöðu.  Á hótelinu er veitingahús, bar, líkamsræktaraðstaða.  I-Ride Trolley, strætisvagnaþjónustan sem gengur eftir Inernational Drive, stoppar við hótelið.

31.október

Ekið frá International Palms Resort  áleiðis til Sanford flugvallar.  Brottför kl. 1900.  Lending í Keflavík kl 06:10 næsta dag.
*Sjá ferðalýsingu í töflu hér fyrir ofan..

Siglingarleið Adventure of the Seas