Gott að vita um Kenýa og Mombasa

Fjarlægðir

Frá Moi alþjóðaflugvelli er um 1,5 tíma akstur að hótelum sem eru um 30 km suður af Mombasa.

Gjaldmiðill

Kenískur shillingur (KES). Um 100 kenískir shillingar fást fyrir 125 krónur, og um 70 shillingar á dollarinn. Reiknaðu út gengið á Oanda.

Dollarar og evrur koma sér vel. Athugið að dollaraseðlar þurfa að vera yngri en árgerð 2000 (frá 2001 eða síðar).

Greiðslukort

Víðast hvar er tekið við flestum almennum greiðslukortum nema í litlum veitingahúsum og verslunum. Hraðbanki er í um 5 mín. akstursfjarlægð frá hótelum og opið allan sólarhringinn.

Handfarangur

Flugmálastjórn hefur gefið út bækling með reglum um handfarangur.

Rafmagn

240 volt, 50 Hz. Athugið að innstungur eru breskar - takið með fjölnota millistykki, en þau er hægt að fá á flugvöllum.

Samgöngur (innan strandar – til Mombasa)

Frá hótelum er hægt að ganga (10-20 mín.) í litlar búðir og minjagripaverslanir. Best er að taka leigubíl til að byrja með og átta sig á staðháttum.

Ef farið er á eigin vegum inn í Mombasa er nauðsynlegt að fara með leigubíl.

Land og þjóð

Frekari upplýsingar um land og þjóð - á afrika.is.

Vegabréf

Íslenskir ríkisborgarar þurfa ekki vegabréfsáritun en þeir þurfa að hafa vegabréf sem gildir í a.m.k. 3 mánuði fram yfrir áætlaðan brottfarardag.

Ónæmisvarnir

Við mælum með malaríupillum, en á vef Landlæknisembættisins segir:

  • Vegna ferða til hitabeltislanda er ávallt ráðlegt að leita læknis, helst 2 mánuðum áður en lagt er í ferðina, til þess að hægt sé að framkvæma nauðsynlegar bólusetningar.
  • Nánari upplýsingar og bólusetningar fást á öllum heilsugæslustöðvum, Miðstöð heilsuverndar (áður Heilsuverndarstöð Reykjavíkur) og göngudeild smitsjúkdóma á Landspítala háskólasjúkrahúsi í Fossvogi.

Frekari upplýsingar um bólusetningar á vef Landlæknisembættisins.

Tímamismunur

Klukkan í Kenýa er 3 stundum á undan íslenskum tíma.

Verslun

Opnunartími er almennt frá 8:30 til 18:00 alla virka daga nema sunnudaga. Verslanir eru meðfram veginum sem liggur norður-suður með Diani ströndinni og þar má fá mikið af handunninni vöru.

Veitingastaðir

Fjöldi veitingastaða er við Diani ströndina og úrvalið frá flestum heimshornum. Mikið er um góða sjávarréttastaði og á hótelunum eru gjarnan fleiri en einn veitingastaður.

Þjórfé

Það tíðkast að skilja eftir þjórfé á veitingastöðum, algengast er að skilja eftir 10%. Einnig er oft gefið smá þjórfé til leigubílstjóra og vikapilta.

Veðurfar

Heitasti tíminn er frá desember - febrúar, en svalast í maí - júlí. Á daginn er meðalhiti við ströndina um 25-30 gráður, en svalara á kvöldin. 

Tungumál

Fyrsta tungumál Kenýabúa er þeirra eigið ættbálkatungumál en Swahili og enska eru opinber tungumál. Hér má nálgast stuttan lista með helstu orðum á Swahili.