Borða – biðja – elska

Spennandi ævintýraferð til Indlands!

Úrval Útsýn kynnir sérstaka ævintýra ferð til Indlands í anda metsölubókarinnar „Borða Biðja Elska“ (e. Eat Pray Love). Bókin hefur hlotið einróma lof út um allan heim og verður kvikmyndin, sem byggð er á bókinni, sýnd í helstu bíósölum landsins með Juliu Roberts í aðalhlutverki. Ferðin sjálf er glæsileg konuferð þar sem þér gefst tækifæri til að njóta lífsins, lenda í ævintýrum, huga að líkama og sál og kynnast sjálfri þér og öðrum betur. Snúðu við blaðinu, gríptu gæsina á meðan hún gefst og komdu með í ógleymanlegt ævintýri í hópi skemmtilegra kvenna!

Fyrirhugað er að fara í byrjun árs 2011. Fylgstu vel með á næstu dögum eftir frekari lýsingu, verði og brottfaradagsetningu. Þú getur einnig fylgst með okkur á Facebook þar sem við birtum einnig upplýsingar um ferðina. Smelltu hér til að gerast vinur Ný&Betri á Facebook.

Ný & betri kona (UPPSELT!)

Námskeið fyrir konur, 18.-25. september 2010
Umsjón: Bjargey og Edda Björgvins.

Spennandi vikunámskeið fyrir konur þar sem ofið er saman hnitmiðuðu námskeiði, hreyfingu, næringafræði og gleði. Tekið er á hinum ýmsu hliðum sem snúa að þér: líkamsrækt, að sigra óttann, kjarkæfingar, yoga, hugleiðsla, fyrirlestrar um heilsu, næringu, stress, aukakílóin svo eitthvað sé nefnt.

Námskeiðið verður á Albir á Spáni, með gistingu og aðstöðu á Hótel Albir Playa.

Verð: 139.900 kr.- (UPPSELT!)
m.v. 2 saman í herbergi á hótel Albir Playa. Innifalið: Flug, skattar, gisting með 1/2 fæði, morgunverði og kvöldverði, námskeið og námskeiðsgögn.

Umsögn um námskeiðið

Umsögn um námskeiðið: júní ferð 2009

Eftir einstaklega erfiðan vetur var markmið skólaferðar að „þjappa“ starfsmannahópnum betur saman og fara m.a. í hópefli því til styrktar og einnig að byggja hvert annað upp. Námskeiðið „Ný og betri“ frá Úrval Útsýn stóð fyllilega undir þessum óskum okkar þar sem farið var í andlega og líkamlega næringu, hópefli, sjálfstyrkingu og hreyfingu. Fyrirlestrar þeirra Bjargeyjar og Sirrýjar voru mjög markvissir og vöktu til umhugsunar um eigin líðan og annarra. Skipulag dagskrár var mjög gott og stóðst algjörlega tímaáætlun og efnið var svo áhugavert og fræðandi að enginn vildi láta sig vanta. Námskeiðshaldararnir Bjargey og Sirrý fóru langt fram úr okkar væntingum með jákvæðu og elskulegu viðmóti. Við vorum sammála um að námskeiðið hefði haft mannbætandi áhrif og styrkt okkur bæði sem heild og einstaklinga.

Hópurinn okkar var af báðum kynjum á aldrinum frá 30-70 ára og efnið hentaði öllum. Staðurinn Albir og hótel Kaktus buðu upp á einstaka aðstöðu fyrir þetta námskeið og öll umgjörð var til fyrirmyndar.

f.h. ferðanefndar Kársnesskóla, Arna og Ólöf.

Vá, ég held ég hafi BARA verið jákvæð síðan ég kom frá Spáni og ekki hugsað eina einustu neikvæða hugsun, spáið í það :o)

Stelpur, ég held að þetta sé allra gagnlegasta námskeið sem vinnustaðahópar geta sótt, sérstaklega t.d. fyrir kennara sem vinna allan daginn í mannlegum samskiptum og þeim því mikilvægt að skilja, þekkja og vera sáttir við sjálfa sig.