Fararstjórar
Sigmundur M. Andrésson
Sigmundur M. Andrésson
Sigmundur er fæddur vestur í Dölum. Eftir nám við Verslunarskólann hóf hann störf
hjá Búnaðarbanka Íslands og síðar hjá Verslunarbankanum. Starfaði um
árabil hjá Seðlabankanum, lengst sem deildarstjóri aðalbókhalds. Hann
lauk prófi atvinnuflugmanns og starfaði m.a. við flug með ferðamenn um
Ísland og einnig sem flugkennari og svifflugkennari, en í þeirri íþrótt
hefur hann verið Íslandsmeistari og sett fjölda meta.
Hann vann um tíma fyrir Samvinnuferðir-Landsýn, en snéri sér síðan
að eigin atvinnurekstri sem forstjóri Max hf. Ferðalög hafa lengi
heillað hann og hafa þau hjónin ferðast um allar álfur heimsins og
eftir að hann seldi fyrirtæki sitt hefur hann stundað fararstjórn til
fjarlægra staða, m.a. fyrir Ingólf Guðbrandsson, Prímu, Emblu og
Úrval-Útsýn. Hann hefur m.a. farið fyrir hópum til Mið- og
Suður-Ameríku, Suður-Afríku, Lesotho, Egyptalands, Indlands, Kína,
Taílands, Malasíu, Balí, Singapúr og Víetnam ásamt siglingum um
Karibíska hafið o.fl.
Sigmundur er kvæntur og á tvö börn.