Madonna - Úrval Útsýn

Madonna di Campiglio

Einstakt skíðasvæði

Madonna di Campiglio er einn þekktasti skíðabær Ítalíu. Úr miðbænum er stutt í lyftur og kláfa og tekur skamman tíma að komast upp í skíðalöndin ofan við bæinn. Allir geta fundið brekkur við sitt hæfi í bænum og kostur að það er aldrei langt að fara, hvort sem brekkurnar eru rauðar, bláar eða svartar.

Birna Haraldsdóttir er fararstjóri í Madonna

Madonna er fallegt fjallaþorp í faðmi hinna tignarlegu Dólómítafjalla, en tindarnir eru afar tignarlegir og útsýnið yfir dalinn er stórkostlegt.

Líflegur bær

Bærinn er líflegur og bíða heimamenn eftir gestum með heita skíðadrykki og dynjandi tónlist á hinum fjölmörgu krám bæjarins. Vinsælir "après-ski" staðir eru t.d. La Stube di Frank Josef og Café Suisse.

Á veitingastöðum og pizzerium ilmar allt af ítalskri matargerð og á kaffihúsunum fæst heimsins besta kaffi ásamt girnilegu meðlæti. Tískuverslanir eru með allt það nýjasta frá Milano, gott vöruúrval er í íþóttaverslunum og mikið er um verslanir með minjagripi og skart.

Þér líður ótrúlega vel í Madonna.

Lyftur og kláfar í göngufæri

Kláfarnir þrír, Pradalago, 5 laghi og Spinale flytja skíðamenn hratt og örugglega upp í brekkurnar, og öll hótel Úrvals Útsýnar eru í göngufæri við kláfana. Lyftukostur er fyrsta flokks og heimamenn hugsa einstaklega vel um brekkurnar, sem eru sólríkar og við allra hæfi. Skíðasvæðið í Madonna hefur fengið sérstök verðlaun fyrir viðhald á brautum svæðisins og heimamenn leggja mikið upp úr því að viðhalda því orðspori.

Á hverjum degi getur þú valið gott skíðasvæði með breiðum brautum og brekkum, hvort sem þú ert byrjandi eða lengra kominn.

Góð aðstaða fyrir snjóbrettafólk

Aðstaða er góð fyrir snjóbrettafólk og má þar sjá leikna brettamenn takast á loft frá stökkpöllum, sem búnir hafa verið til úr snjónum, enda nóg af snjó í Madonna.

Ursus bretta og palla garðurinn (Ursus Snowpark) er með þeim stærstu í Evrópu og þar er hægt að vera í heila viku og læra eitthvað nýtt á hverjum degi.