Grand Cettia
UPPLIFUN
Fallegt fjölskylduhótel sem er í senn hótel og íbúðagisting. Hérna er allt innifalið til kl. 23 á kvöldin; máltíðir, innlendir drykkir með mat, drykkir að degi eða kvöldi og skemmtidagskrá.
VISTARVERUR
Herbergin eru ágætlega búin húsgögnum og teppi á gólfi. Íbúðirnar eru snyrtilegar með baðherbergi. Einnig er hægt að fá góðar fjölskylduíbúðir sem eru vel útbúnar með þvottavél, nuddbaðkari og garði. Allar vistaverur eru loftkældar.
AÐSTAÐA
Í vel búnum sundlaugargarðinum eru tvær sundlaugar, barnalaug, vatnsrennibrautir, leiktæki fyrir börnin og barnaklúbbur. Á hótelinu er innisundlaug, nuddpottur, líkamsræktaraðstaða, tyrkneskt bað og spilasalur. Veitingastaður og bar með skemmtidagskrá fyrir gesti.
STAÐSETNING
Cettia er ágætlega staðsett, um 2 km frá höfninni og 10 mín gang frá strandgötunni, en stendur í dálítilli brekku sem skapar fallegt útsýni yfir bæinn og flóann.
OKKAR MAT
Fallegt og þægilegt fjölskylduhótel með góðri þjónustu.