Grand Azur
UPPLIFUN
Eitt besta hótelið í Marmaris, klassískt, virðulegt og vandað. Grand Azur stendur alveg við ströndina og státar af glæsilegum garði með sérlega skemmtilegri sundlaug og vatnsrennibraut, ásamt þremur tennisvöllum sem eru upplýstir á kvöldin. Einnig er einstaklega góð innisundlaug og hægt að fara á milli inni- og útilaugar í vatnsrennibraut.
VISTARVERUR
Glæsilega útbúin herbergi með loftkælingu, gervihnattasjónvarpi, smábar og svölum. Einstaklega falleg baðherbergi með sturtu og baðkeri.
Við reynum að taka tillit til óska um herbergi með sjávarsýn, en það kostar 16 Evrur á dag aukalega. Hringið eða sendið tölvupóst til að óska eftir sjávarsýn.
AÐSTAÐA
Heilsulind er á hótelinu og boðið upp á sauna, tyrkneskt bað og nudd. Sólstólar og handklæði við strönd og laug eru innifalin í verði en greiða þarf fyrir dýnur á sólbekki.
VEITINGASTAÐUR
Tveir veitingastaðir eru á hótelinu og er annar þeirra með glæsilegan "á la carte" seðil en auk þess er kaffihús með úrvali af kökum sem bakaðar eru á staðnum. Skemmtidagsskrá á kvöldin fyrir gesti.
OKKAR MAT
Drottning hótelanna í Marmaris. Sígilt, virðulegt og vandað.