Sígilt safarí í Kenýa

Dagsetningar
15. - 29. október 2009

Um ferðina

Karen Blixen safnið

Ferðin hefst í höfuðborg Kenýa, Naíróbí þar sem meðal annars verður farið á Karen Blixen safnið, gíraffagarð og munaðarlausir fílskálfar heimsóttir.

Leiðin liggur svo í þekktasta þjóðgarð Kenýa, Masai Mara þjóðgarðinn. Í Masai Mara er að finna helstu dýr sem við tengjum við Afríku meðal annars, fíla, ljón, hlébarða, nashyrninga, buffala, gíraffa og antilópur.

Frá safaríi og villidýrum verður flogið til hinnar fallegu strandar Diani sem er við Indlandshafið. Þar er eins og tíminn standi í stað, pálmatrén blakta í golunni, sjórinn er fallega blágrænn og þar er eitt fallegasta kóralrif í heimi. Það er dásamlegt að liggja undir pálmatré á hvítsendinni ströndinni og horfa á veiðimennina koma að landi á eintrjánungum með afla dagsins eða fara í sjóstangaveiði, köfun eða skoða skrautfiska.

Við ströndina heimsækjum við þorp Digo-ættflokksins þar sem við fræðumst um siði og venjur þeirra. Í lok ferðar verður farið til hinnar sögufrægu hafnarborgar Mombasa þar sem í boði er að ganga um gamla hluta borgarinnar og fræðst um sögu og menningu þessarar merkilegu verslunar- og viðskiptaborgar.

Endað verður á kvöldsiglingu undir stjörnubjörtum Afríkuhimni.

Skoðaðu myndaalbúmið sem hefur að geyma ótrúlegar myndir sem sýna hvað þú gætir átt von á í þessari ógleymanlegu ferð.

Ferðin er unnin í samstarfi við Afríku, ævintýraferðir

Bæklingur um ferðina frá Afríka, ævintýraferðir (pdf)