Spennandi námskeið á næstunni
Er ekki tími til að setja líkama og sál í fyrsta sæti?
Ef þú vilt vera í góðum félagsskap, rækta líkama og sál og dekra svolítið við þig þá er Ný&Betri námskeiðið eitthvað fyrir þig. Mikil áhersla er lögð á góða gistingu, góðan mat og dekur svo hægt sé að njóta lífsins til hins ýtrasta. Næg tækifæri verða til að hreyfa sig og taka þátt í jóga, leikfimi og gönguferðum í yndislegri náttúru. Á sama tíma og við tökum vel á því eigum við yndislega stund og dekrum við okkur í bak og fyrir. Einnig verða í boði fyrirlestrar og umræður um næringu, laða til sín það góða, jákvæða tjáningu og bættan lífsstíl.
Kynnið ykkur frábært námskeið með Bjargeyju og Eddu Björgvins sem hlotið hefur einróma lof viðskiptavina okkar. Von bráðar munu svo bætast við fleiri námskeið fyrir veturinn og næsta vor – Fylgist með!
Ný og betri kona
Námskeið fyrir konur, 18.-25. september 2010
Umsjón: Bjargey og Edda Björgvins.
Skráning er hafin í spennandi vikunámskeið fyrir konur þar sem ofið er saman hnitmiðuðu námskeiði, hreyfingu, næringafræði og gleði. Tekið er á hinum ýmsu hliðum sem snúa að þér: líkamsrækt, að sigra óttann, kjarkæfingar, yoga, hugleiðsla, fyrirlestrar um heilsu, næringu, stress, aukakílóin svo eitthvað sé nefnt.
Námskeiðið verður á Albir á Spáni, með gistingu og aðstöðu á Hótel Albir Playa.
Verð: 139.900 kr.-
m.v. 2 saman í herbergi á hótel Albir Playa. Innifalið: Flug, skattar, gisting með 1/2 fæði, morgunverði og kvöldverði, námskeið og námskeiðsgögn.
Bóka ferð
Umsögn um námskeiðið
Umsögn um námskeiðið: júní ferð 2009
Eftir einstaklega erfiðan vetur var markmið skólaferðar að „þjappa“ starfsmannahópnum betur saman og fara m.a. í hópefli því til styrktar og einnig að byggja hvert annað upp. Námskeiðið „Ný og betri“ frá Úrval Útsýn stóð fyllilega undir þessum óskum okkar þar sem farið var í andlega og líkamlega næringu, hópefli, sjálfstyrkingu og hreyfingu. Fyrirlestrar þeirra Bjargeyjar og Sirrýjar voru mjög markvissir og vöktu til umhugsunar um eigin líðan og annarra. Skipulag dagskrár var mjög gott og stóðst algjörlega tímaáætlun og efnið var svo áhugavert og fræðandi að enginn vildi láta sig vanta. Námskeiðshaldararnir Bjargey og Sirrý fóru langt fram úr okkar væntingum með jákvæðu og elskulegu viðmóti. Við vorum sammála um að námskeiðið hefði haft mannbætandi áhrif og styrkt okkur bæði sem heild og einstaklinga.
Hópurinn okkar var af báðum kynjum á aldrinum frá 30-70 ára og efnið hentaði öllum. Staðurinn Albir og hótel Kaktus buðu upp á einstaka aðstöðu fyrir þetta námskeið og öll umgjörð var til fyrirmyndar.
f.h. ferðanefndar Kársnesskóla, Arna og Ólöf.
Vá, ég held ég hafi BARA verið jákvæð síðan ég kom frá Spáni og ekki hugsað eina einustu neikvæða hugsun, spáið í það :o)
Stelpur, ég held að þetta sé allra gagnlegasta námskeið sem vinnustaðahópar geta sótt, sérstaklega t.d. fyrir kennara sem vinna allan daginn í mannlegum samskiptum og þeim því mikilvægt að skilja, þekkja og vera sáttir við sjálfa sig.
Ný&Betri námskeið
Ný & Betri Kona:
18.-25. september 2010
aðeins 5 sæti laus!
Hótel Albir Playa
Gist verður á Hótel Albir Playa sem er gott 4 stjörnu hótel. Hótelið er staðsett í fallegri vík á nýtískulegum stað með góðu úrvali af verslunum, börum og veitingastöðum í næsta nágrenni.
Meira um hótelið
Umsjón
Bjargey Aðalsteinsdóttir
Bjargey er menntaður íþróttafræðingur og hefur 28 ára reynslu í þolfimikennslu, einkaþjálfun, yoga, konuleikfimi, teygjum og hugleiðslu. Hún hefur einnig haldið fjölda fyrirlestra um næringu og bættan lífsstíl.
Meira um Bjargey
Gestakennarar
Edda Björgvinsdóttir
Edda Björgvins er flestum Íslendingum kunn enda hefur hún hefur starfað sem leikari, leikstjóri og höfundur við fjölmörg leikhús og einnig leikstýrt og samið handrit fyrir velflesta starfandi ljósvakamiðla á Íslandi sem og sjónvarpsstöðva. Undanfarin ár hefur Edda þjálfað stjórnendur atvinnulífsins m.a. í tjáningu, fjölmiðlaframkomu og mannlegum samskiptum - ýmist í hópum eða sem einstaklingsþjálfun - og unnið með fjölmörgum fyrirtækjum við undirbúning á öllum mögulegum uppákomum. Sérsvið Eddu er framkoma og sjálfsöryggi, sjálfstraust, fjölmiðlaþjálfun og mannleg samskipti.