Bókaðu hér

Hvernig ferð viltu?

Tenerife

Blómaeyjan Tenerife! 

  • Flugtími: 4-5 
  • Flugvöllur: Tenerife TFS
  • Sólarstundir: 10+ 
  • Meðalhiti: 22-28 °C
  • Tungumál: spænska
  • Gjaldmiðill: Euro (€)
  • Staðartími: GMT 

VINSÆL HÓTEL HJÁ OKKUR:

Hotel Villa Cortes*****

Villa Cortes Úrval Útsy ́n

 

Parque Santiago***

Parque Santiago

 

La Siesta****

LASIESTA

 

Hotel Gala****

Tenerife Hotel Gala

 

Parque Cristóbal***

Parque Cristo ́bal Tenerife 

 

Palm Beach Club***

Palm Beach Club

 

Marylanza****

Parque Cristo ́bal Tenerife

 

Úrvalsfólk 60+ til Tenerife

Hagstæð kjör fyrir 60+
Í ferð með Úrvalsfólki nýtur fólk samvista við jafnaldra, vini og kunningja. Skemmtanastjóri er með í ferðum og skipuleggur fjölbreytta dægradvöl, leikfimi, spilavist, út að borða, dans- og skemmtikvöld.

 

EINSTÖK VEÐURSÆLD ALLT ÁRIÐ UM KRING

Tenerife hefur uppá allt að bjóða sem bestu sólaráfangastaðir geta státað af. Eyjan er þekkt fyrir einstaka veðursæld, hreinar strendur og fjölbreytta afþreyingu fyrir alla aldurshópa.

Fjölskyldur geta notið alls sem eyjan hefur uppá að bjóða og í boði er fjöldinn allur af gistingum fyrir allar fjölskyldustærðir. Ekki má gleyma að á Tenerife er flottasti vatnsrennibrautagarður heims "Siam Park" ásamt hinum stórglæsilega dýragarði "Loro Parque"

Á Tenerife erum við með fjölbreytta gistingu við allra hæfi – bæði íbúðir og stórglæsileg hótel. Bókaðu í tíma til að tryggja gistingu sem hentar þér og þinni fjölskyldustærð.

Það skemmta sér allir vel á paradísareyjunni Tenerife!

Skemmtigarðar:

  • Siam Park
  • Aqualand
  • Loro Park
  • Bubble Soccer
  • Arona Beach Park

Verslunarmiðstöðvar:

  • Siam Mall 
  • Parque Santiago
  • Safari Center
  • Bahaia del Duque
  • Oasis

Afþreying:

  • Vatnasport
  • Gönguferðir
  • Versla
  • Frábærir veitingastaðir
  • Leikhús

 

TENERIFE SUR - SUÐURHLUTI EYJUNNAR

Á suðurhluta Tenerife þar sem við erum með okkar gististaði skín sólin nánast alla daga ársins og þar er vinsælast að vera. Úrval Útsýn býður upp á gistingu á suðurhlutanum Playa de las Américas, Los Cristianos og Costa Adeje. Allir þessir staðir hafa sinn sjarma og sitt einstaka andrúmsloft. Í Los Cristianos slær hjarta suðurhlutans þar sem ferðamannaiðnaðurinn byrjaði og á því svæði búa eyjaskeggjar Tenerife en gamli bærinn er afar sjarmerandi með litlum þröngum göngugötum, flottum kaffihúsum og börum og úrval verslana. Playa de Las Americas hefur að geyma hinn svokallað “Laugaveg” en þar er að finna frábært úrval verslana og veitingastaða á heimsmælikvarða. Costa Adeje svæðið er svo yndislegt og rólegt, með fallegum ströndum og stórglæsilegum gistingum.

  

SANTA CRUZ - HÖFUÐBORGIN

Santa Cruz er höfuðborg Tenerife og er staðsett á norð-austur hluta eyjunnar, undir fjöllum Anaga tangans. Þetta er glaðleg heimsborg, full af orku og litast af persónuleika eyjaskeggjanna, staðsett við sjávarsíðuna. Þar er ótal margt að skoða. Í borginni, sem er samvaxin La Laguna, búa yfir 400 þúsund manns. Borgin hentar sérstaklega vel til gönguferða, er þakin fallegum görðum, flottum verslunargötum og býður uppá alla þá kosti, sem stórar heimsborgir státa af. Hér er að finna mjög áhugaverðan byggingarstíl gömlu tímanna, samofin nýjum stefnum og straumum arkítektúrs 21. aldarinnar, enda eina borg Spánar sem státar af jafnmörgum nútíma byggingum á einu svæði. 

Menningarlíf borgarinnar er talið einstakt, enda mikið af áhugaverðum sögnum og listsýningum á heimsmælikvarða og fyrir tónlistarunnendur er hér að finna eina bestu sinfóníuhljómsveit Evrópu. Borgin er byggð upp við fallegar breiðgötur, kallaðar „Ramblas“. Í borginni er skemmtilegt andrúmsloft, sem er bæði róandi og seiðandi, án þess að missa hið skemmtilega yfirbragð heimsborgar af þessari stærð. Hér er að finna frábærar verslanir, verslunarmiðstöðar, veitinga- og kaffihús. Í næsta nágrenni er einnig stærsta og glæsilegasta strönd eyjunnar „Las Teresitas“ og í aðeins 15 mín ferð með sporvagni ertu kominn til hinnar þekktu fyrrverandi höfuðborgar Tenerife, La Laguna, en sú borg er yfir 500 ára gömul og er komin á heimsminjaskrá Sameinuðu þjóðanna fyrir einstaka sögu og fallegar byggingar. 

Santa Cruz er klárlega stórborg sem lætur engan ósnortinn!

Við mælum með þessu glæsilega hóteli í Santa Cruz - gott verð. 

PUERTO DE LA CRUZ - TENERIFE NORTH

Puerto de la Cruz er staðsett á norðurhluta eyjunnar Tenerife og er einna þekktust fyrir að hýsa einn glæsilegasta dýragarð Evrópu, Loro Parque. Þessi einstaka borg hefur verið heimsótt af ferðalöngum frá Evrópu síðan 1870 og er fyrsti sumarleyfisdvalarstaður Kanaríeyjanna. Borgin hefur yfir sér rólegt yfirbragð, þar sem gamli og nýji tíminn mætast á mjög sjarmerandi máta.

Gamli bærinn státar af afar fallegum gömlum byggingum og er höfnin þar í lykilhlutverki, enda þjónaði hún La Orotava dalnum í nokkur hundruð ár með vínútflutningi frá eyjunni. La Orotava bærinn er verðugur að heimsækja, enda stórglæsileg hús og hallir ásamt kirkjum sem skreyta bæinn. Við sjávarsíðuna er svo að finna afar fallegan sundlauga- og lystigarð, Lago Martiánes, sem þjónar borginni sem einskonar strandgarður, því fáar strendur eru við borgina.

Í Puerto de la Cruz er einnig að finna mikið af skemmtilegum verslunum, stærsta verslunarmiðstöð eyjunnar, La Villa, er rétt fyrir utan bæinn og einnig elsti skrúðgarðurinn(Botanical Garden) á Tenerife. Fallegar göngugötur, torg og garðar toppa svo þessa fallegu borg. Einnig er mikið úrval af glæsilegum veitingastöðum, börum og kaffihúsum bæði í gamla bænum og í næsta nágrenni við hann. 

Puerto De La Cruz er klárlega staður sem vert að skoða!

AFÞREYING Á TENERIFE

Á daginn þarf enginn að láta sér leiðast, enda nóg við að vera fyrir unga jafnt sem aldna. Gaman er að heimsækja einn glæsilegasta vatnsrennibrautagarð Evrópu, Siam Park þar sem þú getur rennt þér niður 28 metra rennibraut í nánast frjálsu falli sem endar með ferð í gegnum hákarlabúr! Eða farið í stærstu go-kart braut Evrópu.

Á ströndinni er mikið úrval vatnaíþrótta - sjóskíði, bananabátar, siglingar og köfun við nánast hverja strönd. 

VERSLUN Á TENERIFE

Á Tenerife er fjöldi verslana og verslanamiðstöðva með þekktum vörumerkjum. Tvær nýlegar eru: Parque Santiago 6 og Siammall - Fararstjórarnir okkar bjóða líka uppá mjög skemmtilega verslunarferð til höfuðborgarinnar Santa Cruz á mánudögum þar sem hægt er að fara í stóra HM & Primark. 

 Verslun

INNIFALIÐ Í SÓLARFERÐUM ÚRVAL ÚTSÝN

Innifalið í verði hjá Úrval Útsýn er flug, gisting, íslensk fararstjórn, flugvallaskattar, 20 kg ferðataska og handfarangur.

  • Á sólarstöðum okkar erum við með íslenska fararstjóra sem eru farþegum okkar innan handar alla ferðina. Þeir eru spænskumælandi, þekkja staðahætti vel og veita í neyð aðstoð gegnum öryggissímanúmer.
  • Einnig bjóða fararstjórar upp á frábærar skoðunarferðir fyrir alla aldurshópa svo að allir finni eitthvað við sitt hæfi.
  • Akstur til og frá flugvelli erlendis er valkvæð þjónusta. Þeir sem vilja nýta sér aksturinn bóka og fullgreiða þjónustuna hérna heima.

Við leggjum metnað okkar í að bjóða upp á fjölbreyttar ferðir og faglega þjónustu á öllum sviðum, því ferðin þín skiptir okkur miklu máli.

Bókaðu núna og tryggðu þér sæti í sól. Vinsælar gistingar bókasta fyrst!

Bestu verðin til Tenerife!

Rauðir Dagar Box

 

Ef gisting sem óskað er eftir er ekki í boði á þeim dögum sem þú vilt - hafðu þá samband við okkur og við óskum eftir henni fyrir þig 585 4000 // Hlíðasmára 19 // info@urvalutsyn.is //