Bókaðu hér

Hvernig ferð viltu?

Dásamlega Dóná – Sértilboð, 30. júní - 7. júlí

Sumar-sigling um heillandi og dáleiðandi Dóná - á sérstöku tilboðsverði.

Takmarkað framboð!

Lúxus-fljótasigling á besta tíma sumarsins niður fremsta fljót Evrópu (næst lengst á eftir Volgu) sem kemur upp í Þýskalandi og rennur í gegnum 10 lönd, sem er heimsmet, áður en það endar 2.860 km leið í Svartahafi. Siglingaleið AmaCerto tekur til skemmtilegasta hluta Dónár, frá skipaskurðinum sem tengir þýska fljótið Main og Dóná, um suður Þýskaland, fallegar lendur Austurríkis, eftir landamærum Slóvakíu og til höfuðborgar Ungverjalands, Búdapest.  Á vegi okkar verða staðir og svæði á borð við Regensburg, hinn gullfallegi Wachau-dalur, Passau, Linz , Vín og Búdapest. Ekki að ósekju að Dóná hefur hrifið skáld í ljóðum, sögum og tónlist.

Á vegum AmaWaterways er í boði 3ja nátta dvöl í Prag fyrir siglingu með fararstjórn og skoðunarferðum.

Fljótasigling: Frá Nurberg til Búdapest 

Í HOTSKURN

Í siglingum okkar kappkostum við að bjóða upp á úrval skoðunarferða sem innifaldar eru í verði. Oftast eru í boði nokkrar ferðir sem velja má milli, t.d. standard túra, hjólatúra,  göngutúra eða sérferða  á mið ýmissa áhugasviða. Við leggjum mikið upp úr fjölbreytni og keppumst við að finna spennandi upplifun fyrir alla gesti okkar.

FERÐATILHÖGUN

(M) = morgunerður; (H) = hádegisveröur; (K) = kvöldverður

LAUGARDAGUR 30. JÚNÍ (K) — SIGLING HEFST

Starfsfólk AmaWaterways tekur á móti farþegum í flugstöðinni í Munchen og við tekur rúmlega klst. akstur til Nuremberg þar sem AmaCerto liggur við fljótsbakkann. Um kvöldið er blandað geði við aðra farþega og sest til borðs og fyrstu lúxusmáltíðinni gerð góð skil.

SUNNUDAGUR 1. JÚLÍ     (M, H, K)  —   NUREMBERG

Þennan fyrsta dag verðum við um kyrrt í Nuremberg þar sem boðið verður upp á tvær spennandi skoðunarferðir. Annars vegar ferð þar sem áherslan verður á miðaldabrag borgarinnar og hins vegar ferð á vit minninga úr Seinni heimsstyrjöld. Í fyrri ferðinni leiðir fararstjóri þátttakendur um þessa fallegu miðaldaborg, þ.á.m. gamla kastalann, hinn forna virkisvegg og aldagamlan brunn á markaðstorginu.  Seinni ferðin fer um öllu drungalegri slóðir seinna stríðs. Þar má telja heimsókn á risavaxna sýningarlendur Nasista, safn sem tileinkað er Nuremburg-réttarhöldunum yfir forsprökkum Nasista í stríðslok og lítum inn í réttarsal númer 600 sé hann ekki í notkun. Síðdegis siglir AmaCerto af stað eftir skipaskurðinum sem tengir þýska fljótið Main við Dóná.

MÁNUDAGUR 2. JÚLI (M, H, K)  —   REGENSBURG    

Regensburg er ein best varðveitta miðaldaborg Þýskalands. Hér verður í boði gönguferð um gömul torg og stræti þar sem húsagerðalist miðalda lifir góðu lífi. Leiðin liggur m.a. að gamla ráðhúsinu og Porta Praetoria hliðinu sem minnir á rómverskan uppruna borgarinnar. Þeir sem vilja léttari dagskrá geta farið í sælkeraferð í bavaríska eldhúsið  þar sem í boði verða m.a. pylsur, kringlur og bjór að hætti heimamanna. Loks geta þeir sem þurfa meiri hreyfingu skellt sér í hjólatúr að Walhalla minnisvarðanum, skammt utan við Regnsburg, sem minnir helst á grísk hof til forna og er til minningar um marga fremstu hugsuði þýskrar þjóðar.

ÞRIÐJUDAGUR 3. JÚLÍ (M, H, K) —  PASSAU - LINZ

Boðið verður upp á ljúfa gönguferð um steinilögð stræti Passau að Dómkirkju heildags Stefáns og um gamlar götumyndir þar fyrir bregður fyrir barokk og gottneskum stílbrögðum. Þá verður í boði hjólaferð eftir bökkum Dónár og gönguferð upp að hinu 800 ára klaustri Veste Oberhaus. Síðdegis heldur siglingin áfram til Linz.  

MIÐVIKUDAGUR 4. JÚLÍ   (M, H, K)  —  MELK - VÍN

Næsti viðkomustaður er borgin Melk sem þekkt er fyrir hið risastóra klaustur Benediktínareglunnar og eitt hið virtasta í Evrópu. Byggingin er á heimsminjaskrá UNESCO. Einnig verða í boði hjólaferð um hinn einstaka Wachau-dal sem einnig er á heimsminjaskránni og gönguferð eftir gömlum steinilögðum götum Durstein (fallegasta þorpi Evrópu?) að barokk kirkjunni, sem státar af fallegum turni. Síðdegis verða landfestar leystar og siglt eftir Wachau-dalnum með vínekrur á báða bóga.   

FIMMTUDAGUR 5. JÚLÍ  (M, H, K) —  VÍN

Valsaborgin Vín er næsti viðkomustaður oog hlaðin gömlum og nýjum dýrindisstöðum. Í boði verða tvær ferðir um borgina. Annars vegar hefðbundin skoðunarferð á vit þekktra kennuileita, t.d. Vinaróperuna, hallir Habsborgaranna og Kirkju heilags Stefáns í hinni einstöku miðborg sem er á heimsminjaskrá UNESCO. Þá sem þyrstir í hreyfingu geta skellt sér í hjólaferð eftir bökkum Dónár. Síðdegis verður frjáls tími en þeir sem vilja geta flotið með í léttan hjólatúr til Klosterneburg klaustursins.  

FÖSTUDAGUR 6. JÚLÍ    (M, H, K)  — BÚDAPEST

Búdapest ber nafnbótina Drottning Dónár með rentu. Hún á sér margar hliðar og við eigum þess kost að kynnast þeim flestum. Skoðunarferð um borgina hefst með heimsókn á hið annasama Markaðstorg þar sem ægir saman sölumönnum af öllu tagi. Í framhaldinu kynnumst við báðum hlutum borgarinnar sem liggja sitt hvoru megin Dónár, Búda (hæðirnar) og Pest ((sléttan). Einnig má slást í för með göngugörpum sem ganga upp á Kastalahæðina þar sem er einstök útsýn yfir borgina. Um kvöldið er skyggja fer verður siglt um Dóná í námunda við ungverska þinghúsið og fylgst með því er ljósin breiða sig yfr hús og torg og lýsa upp borgarmyndina.  Ólýsanlegt sjónarspil!

LAUGARDAGUR 7. JÚLÍ   (M) — Siglingu lýkur    

Í ferðarlok er farið frá borði eftir morgunverð og annað hvort farið á hótel ef framlengja á ferð eða eld snemma morguns upp á flugvöll fyrir heimflug. Flugfélagið Wizzair flýgur beint til Reykjavíkur snemma á laugardagsmorgni 7. júlí (kl. 7:05)  og næsta beina flug er þriðjudaginn 10. júlí.

Verð frá 319.900 kr. í tvíbýli í herbergi D án flugs

Hafið samband við Úrval-Útsýn í síma 585-4000 eða sendið netpóst á tomas@uu.is

Innifalið

  • AmaWaterways hefur verið í efstu sætum í alþjóðlegum gæðakönnunum.

  • Á stöðugu ferðalagi án þess að þurfa að pakka upp og niður milli viðkomustaða.

  • Rík nálægð við gull falleg héruð, bæi og borgir.

  • Allar skoðunarferðir  - val um 2 til 3 ferðir á fjölda viðkomustaða í fylgd sérfróðra fararstjóra

  • Alvöru hótelherbergi en engir klefar.

  • Allt innifalið:

  • Allur matur, drykkir og sérvalin vín þar sem hver máltíð er lúxus eða létt, allt eftir óskum.

  • Frábær þjónusta og viðmót hvort sem er til herbergj eða annars staðar um bor

  • Farþegar ertu sóttir á flugvöll og skilað þangað aftur að siglingu lokinni.

  • Farþegar geta sjálfir bókað flug og framlengt dvöl að eigin hentugleika fyrir eða eftir siglingu.

  • Úrval-Útsýn getur annast flug- og hótelbókanir ef farþegar óska.