AmaWaterways

Úrval-Útsýn er í samstarfi við og hefur einkaleyfi fyrir AmaWaterways sem er eitt fremsta fljóta-siglingafyrirtæki heims. Fyrirtækið hefur yfir að ráða hátt í 25 fljótasnekkjum sem allar teljast til lúxusflokks og sífellt bætast ný fley í hópinn. AmaWaterways var stofnað árið 2002 og er enn í eigu stofnendanna, Rudi Schreiner og Kristin Carst, sem eru marg heiðruð fyrir störf sín. Undanfarin ár hefur ferðaútgáfan Berlitz valið bestu evrópsku fljótaskipin þar sem tekið er mið af gistiaðstöðu, matseld, þjónustu og nokkrum öðrum þáttum um borð. Það kemur engum á óvart að af 310 fleyjum eru fljótaskip AmaWaterways í efstu sætum ár eftir ár.