Lago Maggiore og ítölsku vötnin

Beint flug með Neos frá Keflavík kl.09:00, lending í Veróna kl.15:00 að staðartíma.
Flugnúmer NO5958. Rúta flytur hópinn á Hotel Simplon sem staðsett er í bænum Baveno við Maggiorevatn.
Aksturinn frá Veróna flugvelli tekur um það bil tvær og hálfar klukkustundir.
Frjáls tími það sem eftir er dags og kvöldverður innifalinn.

Í dag förum við í bátsferð til Borromean-eyja og er fyrsti viðkomustaðurinn á Isola Bella sem einkennist af íburðarmikilli barokkhöll og gróskumiklum garði í ítölskum stíl, skreyttum með tjörnum, gosbrunnum og fjölda stytta frá seinni hluta 17.aldar. Hvítir páfuglar sem rölta um garðinn ljá honum hlýjan ævintýrablæ. Áfram höldum við á bátnum og förum næst til eyjunnar Isola dei Pescatori sem eitt sinn var fiskimannaeyja og var uppáhaldseyja hins fræga rithöfundar Earnest Hemingway.
Tími gefst til þess að skoða þröng húsasund og rómantískar kirkjur á eigin vegum áður en haldið er aftur til meginlandsins. Þá tekur við létt skoðunarferð um bæinn Stresa en í þeim bæ standa mörg glæsileg lúxushús og villur við vatnsbakkann og er tilvalið að rölta meðfram bakkanum í friðsælum göngutúr.
Að skoðunarferðinni lokinni gefst tími til þess að skoða sig um áður en haldið verður tilbaka til Baveno. Þeir sem vilja verða eftir í Stresa og njóta kvöldsins þar, geta auðveldlega gert það og tekið leigubíl tilbaka á Hotel Simplon en aðeins er um 5 mínútna leigubílaferð milli bæjanna tveggja.
Kvöldverður innifalinn á Hotel Simplon.

Í dag förum við að Comovatni en þar hafa margar stjörnur heims keypt sér hús til að njóta ítölsku dýrðarinnar eins og best verður á kosið.
Lagt er af stað snemma og keyrt sem leið liggur til bæjarins Cadenabbia þar sem við tökum ferju og siglum á Comovatni yfir til Bellagio sem talinn er vera einn sá glæsilegasti og rómantískasti áfangastaður í Lombardyhéraðinu. Hér er allt í göngufæri og verður frjáls tími til að skoða sig um og fá sér hádegisverð (ekki innifalinn). Eftir það tökum við ferjuna frá Bellagio til Villa Carlotta og keyrum þaðan til bæjarins Como í eftirmiðdaginn þar sem frjáls tími gefst til að rölta um og njóta fegurðarinnar.
Rúta flytur hópinn aftur á Hótel Simplon og er áætluð koma þangað um kl.18 – 18:30.
Kvöldverður innifalinn á hóteli.

Ortavatnið er falinn gimsteinn í Piedmonte héraði en það er minnsta vatnið af vötnunum framan Alpafjallanna.
Við byrjum á því að skoða þorpið Orta, heillandi lítið þorp með þröngum miðaldasundum og gömlu markaðstorgi. Eftir það verður stutt bátsferð yfir í eyjuna San Giulio þar sem við heimsækjum elstu kirkju þessa svæðis en þar má m.a. sjá dýrmætar freskur frá endurreisnartímabilinu. Hvert sem litið er má sjá fallegar steinilagðar götur, gömul falleg hús með blómum skreyttum svölum og flagnandi gluggahlerum, hlykkjóttar götur og falleg húsasund. Aðaltorgið, Piazza Motta, er við litlu smábátahöfnina og þar má finna fjölda ísbúða, veitingastaða, sérvöruverslana og kaffihúsa. Sjarmerandi umhverfi sem er eins og klippt út úr kvikmynd, slík er fegurðin.
Kvöldverður innfalinn á hótelið þegar komið er tilbaka úr ferðinni.

Að morgunverði loknum pökkum við saman og flytjum okkur yfir í bæinn Bergamo þar sem við innritum okkur á Hotel NH Bergamo sem er gott 4 stjörnu hótel vel staðsett í bænum.
Frjáls tími framyfir hádegi en þá verður farið í skemmtilega tveggja til þriggja tíma ferð um Bergamo.
Ferð í kláf (Cable car) innifalin.

Frjáls dagur fram til ca. 14 þegar rúta sækir hópinn og flytur á flugvöllinn í Veróna (u.þ.b. 1,5 tíma akstur).
Beint flug með Neos kl.18:00 að staðartíma, lending í Keflavík kl.20:20 að staðartíma.
Flugnúmer NO7959